Prej të paktën 5 ditësh jemi në pritje të grupit të parë të Afganëve që do të qëndrojnë në shqipëri, në pritje të marrjes së vizave hyrëse për në SHBA. Kryeministri Edi Rama ka bërë të ditur se ne do të presim 2 deri në 3 mijë afganë, por disa burime thonë se gjatë të dielës mund të mbërrijë grupi i parë me 100 persona, ndonëse asgjë nuk është e sigurt. Në aeroportin e Kabulit, vazhdon kaosi dhe trazirat dhe kjo ka shkaktuar vështirësi me evakuimin e afganëve që po i largohen talebanëve për shkak të rrezikut që u kanoset. Sidoqoftë, aeroporti i Rinasit do të jetë ndalesa e parë. atje tashmë janë ngritur cadrat ku ka staf mjekësor, forca ushtarake dhe psikologë, që do të kontrollojnë gjendjen e përgjithshme shëndetësore dhe psikologjike të të ardhurve. Më pas do të bëhet edhe identifikimi i tyre dhe regjistrimi në sistemin TIMS ndërkohë që do të vijohet me transportimin me autobusë drejt ambjenteve ku do të akomodohen, konviktet në qytetin studenti në tiranë dhe hotelet e përcaktuara në durrës.