Koreja e jugut dhe shtetet e bashkuara të amerikës zhvilluan stërvitjen e parë ushtarake në të cilën përfshihet një aeroplanmbajtëse amerikane, në më shumë se katër vite – tha ushtria e seulit të shtunën në mesin e raporteve se koreja e veriut po përgatitet për një test bërthamor. Stërvitja tre ditore u zhvillua në ujëra ndërkombëtare pranë ishullit japonez të Okinavës dhe përfshiu mbrojtje ajrore, anti-anije, anti-nëndetëse dhe operacione të tjera detare. Stërvitja vjen në mesin e sinjaleve se Koreja e veriut po përgatitet për të kryer një test bërthamor për të parën herë që nga 2017-ta. Zyrtarët në seul thanë se peniani ka kryer eksperimente të shumëfishta me një mjet detonimi duke u përgatitur për shpërthimin e shtatë nëntokësor të saj. USS Ronald Reagan, aeroplanmbajtësja bërthamore 100 mijë tonëshe, iu bashkua stërvitjes bashkë me kryqëzorin USS antietam, destrojerin USS Benfold etj. Gjatë serisë më të fundit të testeve bërthamore të koresë së veriut, në vitin 2017, luftanijet USS Ronald Reagan, Theodore Roosevelt dhe Nimitz, u dislokuan afër gadishullit në një demonstrim force. Koreja e veriut prej kohësh i kritikon stërvitjet e përbashkëta ushtarake të SHBA dhe koresë së jugut duke i konsideruar ato përgatitje për luftë.
Më shumë ↓ 
