Kina ka paralajmëruar SHBA se cdo përpjekje për ta bërë Taivanin të pavarur nga Kina mund të ndezë veprime ushtarake nga forcat e Pekinit. Ministri kinez i mbrojtjes Vei Fenghe, u takua me homologun e tij amerikan lloyd Austrin në prapaskenat e një samiti aziatik të sigurisë në Singapor. Ndarja e Taivanit nga Kina nuk do ti linte ushtrisë kineze asnjë mundësi tjetër zgjidhjeje vecse të luftonte me cdo kosto – tha ministri Kinez. Më vonë, Austin e quajti aktivitetin ushtarak të Kinës si provokativ dhe destabilizues. Ai tha se kishte shifra rekord avionësh kinezë që fluturonin pranë ishullit thuajse cdo ditë dhe kjo mund të dëmtojë paqen dhe stabilitetin në rajon. Kina e konsideron taivanin e vetëqeverisur si pjesë integrale të territorit kinez, e ky qëndrim ka shtyrë ministrin kinez të dënojë shitjen e armëve amerikane për Taivanin.