Ylli i reality TV Kim Kardashian Ëest i është bashkuar klubit elitë të super të pasurve duke arritur statusin e miliarderit. Pasuria e saj neto arriti në 1 miliardë dollarë falë interesave të saj në kozmetikë dhe veshje, si edhe të ardhurat nga televizioni, mbështetja e marrëveshjeve dhe ivestimeve – shkruan revista Forbes. Ajo është tani një nga 2755 të pasurit e listës së miliarderëve të botës të revistës Forbes. Amerikanë të tjerë të shtuar në listë vitin e shkuar përfshijnë themeluesin e aplikacionit të takimeve Bumble, Ëhitney Ëolfe Herd me një pasuri prej 1.3 miliardë dollarësh, producentin e filmave Tyler Perry me 1 miliardë dollarë dhe Miriam Adelson me 38.2 miliardë dollarë, e veja e manjatit të kazinove Sheldon Adelson. Ish bashkëshorti tashmë i Kim Kardashian, Kanye Ëest, ishte pjesë e listës me 1.8 miliardë dollarë pasuri, por gjysmë motra e saj, Kylie Jenner, doli nga klasifikimi i Forbes majin e kaluar. Revista tha se familja e saj kishte fryrë vlerën e biznesit të saj të kozmetikës. Forbes përllogarit tashmë se pasuria e 40 vjecares është rritur me 1 miliardë dollarë nga 780 mijë që ishte në tetor, falë aksioneve të saj në dy kompani të tjera kozmetike.