Tre efektivë të policisë janë pezulluar nga detyra pas denoncimit të bërë nga Komiteti shqiptar I Helsinkit për abuzimin e një të mituri, të cilin e kishin shoqëruar gjatë kohës që kishte hedhur lëndë piroteknike. Gjykata e shkallës së parë Tiranë ka caktuar masat e sigurimit personal “Detyrim paraqitje” për përgjegjësen e turnit të patrullës së përgjithshme, nënkomisaren Xhorxhina Beqo, dhe inspektorët Durim Murrja dhe Rasim Dogjani. Ata dyshohet se kanë konsumuar veprën penale “Kryerja e veprimeve arbitrare” në bashkëpunim dhe kundër fëmijëve. Komiteti I Helsiknit duke iu referuar denoncimit të prindërve akuzonte efektivët se kishin dhunuar të miturin gjatë shoqërimit të tij. Madje ata nuk e kishin dërguar në spital dhe pse ai kishte shenja të dukshme në trup, madje dhe në raportin e përpiluar nga oficeri I policisë gjyqëosre kishte ndryshime.