Një grua vodhi diamante me vlerë 5 milionë euro, nga një argjendari, duke i këmbyer ata me guricka. Lulu Lakatos, 60 vjec, ishte prezantuar si një njohëse e gurëve, që i ekzaminonte ata në Londër. Ajo, kishte vlerësuar shtatë diamante në një dyqan në Neë Bond Street, para se ti fuste ata me mjeshtëri në një cantë, pa u pikasur, e duke i zëvendësuar me zhdërvjelltësi me gurë. Vetëm kur pronarët hapën cantën, panë brenda saj shtatë gurë të vegjël. “Diamantet ishin vjedhur nga e akuzuara me shumë mjeshtëri” tha prokurori Filip Skot, në gjykatë ku 60 vjecarja tani po gjykohet. Lakatos, e lindur në Rumani po që jetonte në francë, mohon akuzat. Në gjykatë u tha se drejtuesi i argjendarisë, në shkurt të 2016-ës, ishte takuar me një person që ishte prezantuar si Simon Glas, që i kishte thënë se ishte i interesuar të blinte diamantë të cmuar si një investim. Ata ishin takuar sërish në Monako, muajin pasues, dhe Glas shoqërohej nga një partner në biznes, një rus i quajtur Aleksandër. Ata kishin me vete edhe një vlerësuese diamantesh, Anën, që me sa dukej ishte Lakatos. Ajo kishte ekzaminuar peshën e secilit prej diamanteve para se ti këmbente ata pa u vënë re. Por, lakatos u arrestua në Francë, pas një urdhër arresti evropian, në shtator të vitit të shkuar dhe u ekstradua më pas në britaninë e madhe, ku edhe ëhstë para gjykatës.