12 kilogramë heroinë u gjetën të fshehura në bagazhin e një makine, sasi kjo që do të trafikohej në sheshet e shpërndarësve të drogës në Athinë dhe Selanik. Në kuadër të këtij operacioni u arrestua një shqiptar 33 vjeç dhe partnerja e tij greke 27-vjeçare Mësohet se Prokuroria e Narkotikëve të Selanikut duket se ka pasur informacion për transportin e drogës dhe kur mjeti që drejtohej nga 33-vjeçari shqiptar së bashku me partneren greke 27-vjeçare kanë mbërritur në rrugën e Malgarit të Ri, iu nënshtruan një kontrolli, nga ku u gjetën 25 pako të fshehura me kujdes, brenda bagazhit, me gjithsej 12 kilogramë e 200 gramë heroinë.