Qendrat e testimit dhe vaksinimit në Danimarkë kohët e fundit janë kthyer në burim incidentesh. Një në qytetin e Silkeborg, Jutlandin qendror u vu në shënjestër të një zjarrvënie por për fat të mirë pa lëndime, ndërsa bomba zjarri u hodhën në një qendër vaksinimi në Ballerup, në veri të Kopenhagën. Në Rødekro, një qytet me 6,000 banorë në Jutlandin jugor afër kufirit gjerman, u raportuan vandalizma nw qendrat e testimeve . Muret u shkarravitën me bojë duke shkruar fraza ofenduese , fashistë, madje dhe corona është gënjeshtër. Danimarka ka qenë nën bllokim të pjesshëm që nga fundi i vitit 2020. Javët e fundit, ajo ka lehtësuar disa kufizime, megjithatë ka mbajtur shumicën e tyre deri në fillim të prillit. Kryeministri danez Mette Frederiksen më parë supozoi se vendi do të rihapet plotësisht kur të gjithë pesonat e moshës 50 vjeç e lart të jenë vaksinuar Kombi Skandinav është përballur më një valë demonstratash kundër kufizimeve në qytetet kryesore, përfshirë Kopenhagën. Protestuesit i shohin masat e përmendura si shkelje e të drejtave dhe lirisë së tyre. Gjatë protestave një portret I Mette Frederiksen u dogj dhe dhjetëra njerëz u arrestuan. Me rreth 230,000 raste COVID-19 deri më tani dhe mbi 2,400 vdekje, Danimarka është kombi i dytë më i goditur Skandinav pas Suedisë.