Pushimet e korrikut janë në rrezik dështimi për miliona evropianë. Mes grevave, anulimeve të fluturimeve në minutat e fundit dhe defekteve në sisteme të ndryshme, nga parisi në londër, pa harruar edhe Romën e Milanon, kaosi mbretëron në terminale. Radhët e pritjes janë të gjata, vonesat po ashtu ndërkohë që pasagjerët e paduruar nuk mbajnë shumë dhe shpërthejnë edhe grindjet... Pas reduktimeve drastike të ndërmarra nga kompanitë ajrore në dy vite pandemi, kur aktiviteti ishte i reduktuar, tani aktiviteti ka rinisur me marsh të pestë por personeli nuk është riintegruar dhe sindikatat kanë organizuar protesta që po paralizojnë aeroportet në kontinentin e vjetër. E pikërisht sindikatat paralajmërojnë udhëtarët për një verë të vështirë. Në dy javët e fundit, kompanitë ajrore në evropë kanë anuluar 41 mijë fluturime...Anulimet do të vazhdojnë dhe duhet të arrijnë në 114 mijë nga korriku deri në shtator. Probleme të mëdha po has Lufthansa dhe nëndegët e kontrolluara prej saj, Euroëings, Sëiss Airlines, por edhe austrian airlines, Ryanair, easyjet, british airëays etj. Në itali, gjermani, spanjë, francë, britani etj, aeroportet e kanë gjetur veten në vështirësi. Kompanitë reduktuan vendet e punës gjatë kovidit dhe tani po stërmundohen për të përballuar kërkesën e shtuar, ndërkohë që udhëtimet kanë rinisur pas dy vitesh kufizime.