Një burrë hapi zjarr në një qendër tregtare në shtetin amerikan të Indianas duke vrarë tre persona e duke plagosur dy të tjerë. E kjo është edhe masakra më e fundit në një vend të shënjuar nga dhuna me armë zjarri. Sulmi përfundoi kur një hero, qëlloi për vdekje agresorin – tha policia. “Ne regjistruam një sulm masiv me të shtëna në Greenud park Mall – thanë zyrtarët lokalë. Qyteza ku ndodhi sulmi ndodhet rreth 16 km në jug të Indianapolisit. Personi i armatosur, kishte hyrë në qendrën tregtare me një pushkë në dorë dhe disa municione, dhe kishte hapur zjarr. Mes të plagosurve ishte edhe një vakzë 12 vjecare ndërkohë që katër persona u konfirmuan të vdekur. Zyrtarët e policisë thonë se nuk është përcaktuar ende një motiv për sulmin por se edhe vetë agresori është vrarë. Policia falenderoi përt ndërhyrjen një kalimtar të armatosur, i cili i kishte dhënë fund masakrës, duke e quajtur atë një hero. “Heroi i vërtetë i ditës është një qytetar që mbante ligjërisht një armë zjarri dhe që mundi të reagonte duke asgjësuar autorin e duke i dhënë fund gjakderdhjes”, thanë zyrtarët. Ky është sulmi më i fundit në një valë dhune me armë zjarri që ka shënjuar shtetet e bashkuara ku rreth 40 mijë viktima në vit shkaktohen pikërisht nga armët. Vetëm pak javë më parë, një person i armatosur hapi zjarr në paradën e 4 korrikut në Chikago duke vrarë shtatë persona e duke plagosur dhjetëra të tjerë.