Qevereia e Boris Johnsonit është në fije të perit. Pas skandaleve të muajve të fundit, tani ajo është vënë sërish në rrezik nga dorëheqja e dy ministrave të rëndësishëm në distancë kohore prej pak minutash nga njëri tjetri. Ata që kanë lënë postin janë ministri i thesarit, Rishi Sunak dhe ministri i shëndetësisë, Sajid Javid. “Nuk mund të vazhdoj më të shërbejë në këtë qeveri pasi nuk ma lejon ndërgjegja”, tha Sunak. Në letrën e dorëheqjes që i ka paraqitur Johnsonit, ai ka shkruar qartësisht se kryeministri ka humbur besimin e tij. “populli pret me të drejtë që qeveria të sillet ashtu sic duhet, me kompetenca dhe seriozitet. E pranoj se kjo mund të jetë detyra ime e fundit ministeriale, por besoj se për këto standarte ia vlen të luftohet”, është justifikuar në anën tjetër Sunak. Ministri i ekonomisë ka qenë shumë nën presion muajt e fundit: nga njëra anë për deklaratat e të ardhurave të të shoqes e nga ana tjetër për shkak të masave të marra për të vënë nën kontroll krizën e inflacionit. Në anën tjetër, ministri i shëndetësisë ka qenë në shënjestër të kritikave për menaxhimin e pandemisë së koronavirusit por edhe për vështirësitë me të cilat vazhdon të përballet sistemi shëndetësor kombëtar. Dorëheqja e Sunak dhe Javid vjen në një moment shumë delikat për Johnsonin, që prej muajsh po përballet edhe me skandalin e njohur si Partygate, ku ai akuzohet për zhvillimin e festave në Doëning Street ndërkohë që ishin në fuqi masat anti covid.