Pak pasi një zyrtar i lartë i Agjencisë Europiane të Ilaçeve popoi se ekziston një lidhje mes vaksinës së koronavirusit AstraZeneca dhe rasteve të rralla të mpiksjes të gjakut, ndonëse është e paqartë se cila është lidhja në fjalë, pavarësisht faktit se ai i mëshoi idesë që përfitimet e vaksinës janë më të mëdha se sa rreziqet që ajo mund të paraqesë, testimi i AstraZenecas tek fëmijet në Britani u ndalua derisa rregullatori vendas i barnave të kryejë hetimet e tij mbi të tilla pretendime. Kompania anglo-suedeze AstraZeneca e zhvilloi vaksinën në bashkëpunim me Universitetin e Oksfordit. Profesori Andreë Pollard i tha BBC-së se nuk ka asnjë shqetësim për sigurinë sa i përket testimit, por shkencëtarët janë duke pritur informacione të mëtejshme. Testimi i AstraZeneca-s te fëmijët, filloi në muajin shkurt. Qëllimi i tij është të vlerësohet nëse vaksina prodhon përgjigje të fortë imune tek fëmijët e moshës gjashtë deri në 17 vjeç. Përditësimet nga EMA dhe Agjencia britanike e Barnave dhe Produkteve Shëndetësore priten në ditët në vijim.Më herët, EMA ka konfirmuar se AstraZeneca është e sigurt dhe efektive dhe ka thënë se përfitimet nga vaksina i tejkalojnë dëmet, e në të njëjtën linjë me të ishte dhe Organizata Botërore e Shëndetësisë. Pamjet: AFP