Sulmet izraelite në Gaza kanë vrarë të paktën gjashtë persona, përfshirë një kameraman të Al Jazeera dhe të paktën një fëmijë, sipas zyrtarëve të shëndetësisë dhe ekipeve të shpëtimit. Al Jazeera tha se "dënon me forcë krimin e tmerrshëm të shënjestrimit dhe vrasjes" së korrespondentit të saj Ahmed Ëishah, i cili u vra në një sulm ndaj një shtëpie në qendër të Gazës të shtunën. Forcat Mbrojtëse të Izraelit akuzuan Uishah se ishte "një terrorist në krahun ushtarak të Hamasit i cili shërbeu si snajperist". IDF tha se Uishah në muajt e fundit kishte plane të avancuara sulmi me snajper kundër trupave izraelite, por pa dhënë prova. Al Jazeera tha se vdekja e Uishah të shtunën "përbën një shkelje të re dhe flagrante të të gjitha ligjeve dhe normave ndërkombëtare dhe pasqyron një politikë të vazhdueshme sistematike të shënjestrimit të gazetarëve dhe heshtjes së zërit të së vërtetës". Izraeli ka vijuar bombardimet edhe në Liban, ku goditjet kanë lënë të vdekur një aktiviste mjedisore të njohur në mbrojtjen dhe ruajtjen e breshkave, si dhe të paktën 7 persona të tjerë.