Udhëtareve nga vendet e BE-së që do të hyjnë në Itali do tu kërkohet karantimi i detyrueshëm për 5 ditë, ne mesin e valës së tretë të pandemisë që ka bërë të rriten ndjeshëm infeksionet e reja në disa vende. Vendimi i qeverisë italiane vjen në një kohë kur edhe Gjermania u ka kërkuar të gjithë personave që udhëtojnë më avion të paraqesin një test negative të koronavirusit. Ministri i brendshëm gjerman, Horst Seehofer deklaroi se vendi do t`i shtojë kontrollet edhe në kufijtë tokësorë. Në shënjester janë sidomos udhëtarët nga Franca. Spanja gjithashtu ka ndryshuar rregullat për disa shtete, dhe testin negativ të koronavirusit ua kërkon vecanerisht me insistim francezëve, ndërsa ka lehtësuar disa kufizime për britanikët. Ekzekutivi Italian këmbëngul që përvec izolimit për pese dite, të ardhurit nga vendet e bashkimit europian të kenë një test në mbërritje dhe pas karantinës, ta bëjnë tamponin serish. Karantina është parashikuar edhe për vendet jashtë bllokut europian. Masa u mor pasi u pa se kishte një numër shumë të madh prenotimesh për fluturime nga jashtë, dhe prej frikës se mund të përsëritet situata e verës së kaluar kur mijëra persona, përfshirë ata që kishin udhëtuar jashtë kufijve e ishin kthyer sërish, bënë që të rritej ndjeshëm numri i infektimeve.