Ka goditur në gjumë dy fëmijët dhe bashkëshorten dhe më pas ka tentuar tu vendosë zjarrin. Kjo ëhstë ajo cka ka ndodhur në një shtëpi në Samarate, në provincën e Vareses në Itali. Sipas të dhënave paraprake, Alessandro Maja, 57 vjec, ka vrarë bashkëshorten Stefania Pivetta 56 vjec dhe vajzën Giulia, 16 vjec, me një cekic. I lënduar është edhe djali i madh, Nicolo, 23 vjec, që fatmirësisht ka mbijetuar pasi u transportua shpejt në spital me helikopter. Sidoqoftë, mjekët tregohen të kujdesshëm dhe thonë se ai është në gjendje kritike. 23 vjecari ishte goditur me cekic në kokë. Të dy fëmijët, janë sulmuar ndërsa ishin duke fjetur, në dhomën e tyre të gjumit, ndërsa nëna ishte në divan. Alarmi u lëshua nga fqinjët, të cilët kishin dëgjuar ulërima. Karabinierët, bëhet e ditur se e kanë arrestuar autorin e kësaj ngjarjeje tronditëse. Për zyrtarët lokalë, ngjarja ishte një tragjedi e tmerrshme. Askush, nuk kishte dyshuar se në atë familje kishte probleme. Shpresojmë që djaloshi të shpëtojë” – thotë kryebashkiaku i Samarates Enrico Puricelli. Mediat italiane raportojnë se babai vrasës ishte një arkitekt ndërsa bashkëshortja, shtëpiake. Ata e kishin blerë vilën e vogël në 1999 pasi ishin zhvendosur nga Milano. Më herët, autoritetet e rendit thonë se familja nuk ka patur asnjë episod dhune.