Pas mbylljes së hapësirës ajrore dhe thirrje qytetarëve amerikanë të strehohen, Irani është kundërpërgjigjur duke sulmuar me raketa një bazë amerikane në Katar. Shpërthimet janë ndjerë edhe në kryeqytetin Doha, ndërkohë mësohet se Irani ka lëshuar gjashtë raketa drejtuar Bazës së SHBA në Katar. Më herët është raportuar se ekzistonte një "kërcënim i besueshëm" për një sulm raketor iranian ndaj një baze ajrore të drejtuar nga SHBA-të në Katar. Këtë të hënë Katari mbylli përkohësisht hapësirën ajrore, ndërsa DASH u bëri thirrje qytetarëve amerikanë të strehoheshin në një vend të sigurt dhe të tregonin kujdes të shtuar. Ka raportime se Irani ka lëshuar raketa edhe drejt forcave amerikane në Irak, Kuvajt, Bahrejn. Këto sulme iraniane ndaj bazave amerikane erdhën pas pasi SHBA-të gjatë fundjavës kryen sulme ajrore ndaj lokacioneve bërthamore iraniane