Një pronar restoranti turku përpoq të dërgonte në hapësirë një pjatë me kebap Adana, e cila konsiderohet si një nga pjatat turke dhe tradicionale më të mira në botë. Është për tu habitur fakti se ai mendoi ta dërgonte me anë të një tullumbaceje heliumi. Yasar Aydin, kishte për qëllim të promovonte shijen unike të qytetit. Pasi kontaktoi institucionet dhe organizatat e nevojshme, Aydin e vendosi pjatën e kebapit Adana, të cilën e përgatiti në restorantin e tij, në një tavolinë të veçantë me një aparat fotografik dhe pajisje gjurmuese. Me shumë entuziazëm u tentua që tavolina të dërgohej në hapësirë me një tullumbace speciale me helium. Megjithatë tullumbaci që u ngjit në një lartësi prej rreth 38 kilometrash, shpërtheu pas 5 orësh fluturim. Për shkak të tullumbacit që shpërtheu para se të arrinte në hapësirë, pjata e kebapit u ul në det me një parashutë në provincën e Hatay, rreth 75 kilometra nga Adana.