Mijëra pushues janë detyruar të kërkojnë shpëtim në mesin e natës pasi zjarret e dala jashtë kontrollit kanë mbërthyer Francën e ndërsa evropa vazhdon të përvëlohet në një valë të nxehti të jashtëzakonshëm. Zjarrfikësit nga qielli dhe toka, bashkë me qindra pjesëtarë të skuadrave të emergjencave, janë përpjekur të vendosin nën kontroll flakët në rajonin Gironde në jug perëndim të Francës, që është shndërruar në një furrë përvëluese. Zjarre të ngjashme kanë shkatërruar edhe pjesë të portugalisë, ku temperaturat do të arrijnë 45 gradë celcius këtë javë. Në qytezën spanjolle Ourense, një termometër regjistroi 47 gradë celcis. Më i madhi nga dy zjarret në Goronde, ka shkatërruar tani më shumë se 1 mijë hektarë tokë. Zjarri tjetër përgjatë bregut atlantik, afër dunës ikonike Pilat, më e larta dunë rëre në evropë, ka rrezikuar jetë njerëzish.