Top News – I mohuan insulinën një vogëlusheje / E lanë të vdesë! Arrestohen 12 anëtarë të një sekti

I kishin mohuar insulinën për një javë pavarësisht se ishte e prekur nga diabeti i tipit 1. Kështu, ka humbur jetën më 6 janar, Elizabeth Struhs, një vajzë australiane 8 vjecare. Që atëherë, prindërit e saj u akuzuan për vrasje, torturë dhe mos sigurim të të mirave të domosdoshme. Tani, sipas BBC, edhe 12 persona të tjerë janë arrestuar nën akuzën se kanë shkaktuar vdekjen e vogëlushes, ashtu si edhe prindërit e saj, të lidhur me një sekt fetar. Sipas hetuesve, grupi ishte në dijeni të përkeqësimit të gjendjes shëndetësore të vajzës por nuk ka ndërhyrë. Të arrestuarit janë të gjithë anëtarë të sektit, të moshës nga 19 deri në 64 vjec. ashtu sic është bërë e ditur nga hetimet, përballë përkeqësimit të gjendjes shëndetësore të së bijës, prindërit Jason dhe Kerrie Struhs, bashkë me anëtarët e tjerë të sektit kanë vazhduar të luten në vend që të kërkonin ndihmë mjekësore. Madje ata nuk kishin informuar për asgjë autoritetet deri një ditë pas vdekjes, të ndodhur në një shtëpi në jug të Brisbejnit. Motra më e madhe e 8 vjecares, që nuk kishte më kontakte me prindërit, tha se të dy ata ishin pjesë e një kulti të dominuar nga frika apo kontrolli dhe që e praktikonin besimin e tyre në mënyrë ekstreme.