Ndërsa vijon agresioni rus mbi Ukrainën, thuajse e gjithë bota proteston kundër presidentit Vladimir Putin. Kundër luftën në Ukrainë është ngritur edhe vetë populli rus, ku vijojnë protestat prej një jave. Për të shtypur protestat, presidenti Putin ka zgjedhur metodën e arrestimit të të gjithë zërave kundër. Numri I të arrestuarve ka shkuar në mijëra qytetarë, teksa me të ndaluarve është edhe një e moshuar, e njohur si mbijetuese e Luftës së Dytë Botërore. Sipas medieve ndërkombëtare, e arrestuara është Yelena Osipova, një nga të mbijetuarit e rrethimit të Leningradit gjatë Luftës së Dytë Botërore. Ajo po protestonte në Shën Petersburg të mërkurën kundër luftës në Ukrainë, duke mbajtur dy pankarta në duar, kur është marrë për në komisariat nga efektivët e policisë.