Një i ri është ekzekutuar me armë zjarri në fshatin Babicë të Vlorës. Viktima, rreth 25 vjeç, identiteti i të cilit ende nuk bëhet I ditur, u gjet i vrarë mëngjesin e të shtunës, rreth orës 07: 35, në një makinë në aksin Vlorë-Babicë. I riu është qëlluar me një plumb në kokë, gjë e cila i ka shkaktuar vdekjen e menjëhershme. Ai është ekzekutuar në një rrugë fshati, ku ka shumë pak lëvizje, një skemë kjo e përdorur jo rrallë herë nga vrasësit. Viktima është gjetur në një makinë tip ‘Fiat punto’ me targa TR 3437 R, në pronësi të një gruaje. Ende nuk dihen rrethanat që kanë cuar në ngjarjen e rëndë, ndërsa grupi hetimor ka nisur punën për zbardhjen e plotë të saj. "Më datë 21.08.2021, rreth orës 07:35, në aksin rrugor Vlorë-Babicë, në rrethanave ende të paqarta, është gjetur pa shenja jete brenda në automjet, një shtetas ende i paidentifikuar, rreth 25 vjeç, dyshohet se ka humbur jetën nga përdorimi i armës së zjarrit. Shërbimet e Policisë kanë mbritur menjëherë në vendngjarje. Grupi hetimor nën drejtimin e Prokurorisë po vijojnë punën për zbardhjen e plotë të rrethanave të ngjarjes", raporton policia në njoftimin zyrtar.