Rrëzimi i dy avionëve të Marinës Amerikane në një shfaqje ajrore në Idaho fundjavën e kaluar po ngre pikëpyetje se pse Pentagoni rrezikon avionë luftarakë shumë-miliona dollarësh, dhe ekuipazhet e tyre, për argëtim. Aksidenti i së dielës gjatë Shfaqjes Ajrore Gunfighter Skies në Bazën Ajrore Mountain Home përfshinte dy avionë luftarakë EA-18 Groëler të Marinës, një avion luftarak elektronik i bazuar në platformën e avionëve luftarakë F/A-18. Pasi dy avionët u përplasën në ajër, katër anëtarët e ekuipazhit u hodhën me katapulta dhe fatmirësisht vetëm një prej tyre kërkoi trajtim spitalor për lëndime jo kërcënuese për jetën. Sipas një dokumenti të Marinës për vitin 2021, avionët Groëler kushtojnë rreth 68 milionë dollarë secili, por kostot e zëvendësimit do të jenë shumë më të larta. Prodhimi i avionëve EA-18 ka mbaruar, megjithëse Boeing ende ka F/A-18 në prodhim e sipër. Kostot operative për avionët në familjen F/A-18 janë rreth 20,000 dollarë në orë. Por, pse duhte të shpenzohet kjo shumë parash thjesht për të kënaqur turmat? Ekipi i Shfaqjes Ajrore Groëler është vetëm një pjesë e vogël e formacionit të ekipeve demonstruese të ushtrisë amerikane, që kryejnë manovra të guximshme në shfaqje ajrore gjatë gjithë vitit. Më të njohurit janë Blue Angels të Marinës dhe Thunderbirds të Forcave Ajrore. Buxhetet vjetore për secilin ekip nuk janë publikuar ndonjëherë. Por, sipas një analize te kostos të vitit 2012, buxheti i Blue Angels ishte rreth 98.6 milionë dollarë. Kjo shumë mbulonte personelin, shpenzimet e udhëtimit, mirëmbajtjen e avionëve dhe pajisjeve, operacionet dhe kostot e mbështetjes. Dhe për më shumë se 98 milionë dollarë të shpenzuar për Blue Angels në një vit, Marina doli me më pak se 1 milion dollarë në përfitime rekrutimi, një kthim negativ prej 99% i investimit.