Një roje plazhi në Spille është kthyer në hero, pasi ka rrezikuar jetën e tij për të shpëtuar një nënë dhe fëmijën e saj që ishin gati të mbyteshin. Bëhet fjalë për vrojtuesin e plazhit Idajet Roçi i cili më të konstatuar se nënë e bir ishin duke u mbytur, ka shkuar menjëherë në ndihmë të tyre. Lajmi është bërë i ditur nga Federata Shqiptare “Vrojtuesit e Plazhit dhe Shpëtimit në Ujë” e cila tregon se roja fillimisht ka nxjerrë në breg nënën dhe më pas fëmijën, por duke qenë se deti ka qenë i trazuar dhe me dallgë shumë, Idajet Roçi ka pirë ujë dhe ka shfaqur probleme shëndetësore. Pas "luftës" me dallgët, ai është transportuar në spital dhe ndodhet nën kujdesin e mjekëve për ndihmë më të specializuar. Bilanci i pushuesve që kanë humbur jetën në det, fatkeqësisht edhe këtë sezon veror ka qenë tragjik, por ka dhe raste të tilla ky rojet bëhen heronj.