Binance, bursa më e madhe në botë e kriptovalutave, është ndaluar nga rregullatori financiar i Mbretërisë së Bashkuar. Autoriteti për Veprimet Financiare, FCA, ka vendosur që firma nuk mund të kryejë më "veprimtari të rregulluara me ligj" në Mbretërinë e Bashkuar. FCA gjithashtu paralajmëroi konsumatorët për faqen Binance.com, duke këshilluar njerëzit të jenë të kujdesshëm ndaj reklamave që premtojnë fitime të larta në investimet e kriptovalutave. Binance tha se njoftimi i FCA nuk do të kishte asnjë "ndikim të drejtpërdrejtë" në shërbimet që ofron nga faqja e saj e internetit Binance.com. Bursa ekzistuese e Binance, nuk është e bazuar në Mbretërinë e Bashkuar, kështu që pavarësisht nga vendimi i FCA, nuk do të ketë ndikim për banorët e Mbretërisë së Bashkuar që përdorin faqen e internetit për të blerë dhe shitur kriptomonedhat. FCA nuk rregullon kriptovalutat, por kërkon shkëmbime për t'u regjistruar me to. Binance nuk është regjistruar në FCA dhe për këtë arsye nuk lejohet të veprojë si bursë në MB. Masa e FCA vjen në vazhdën e aksionit nga rregullatorët në të gjithë botën kundër platformave të kriptomonedhave. Binance.com është një bursë e centralizuar në internet që u ofron përdoruesve një varg produktesh dhe shërbimesh financiare, përfshirë blerjen dhe tregtimin e një game të gjerë të monedhave dixhitale, si dhe portofolet dixhitale, letrat me vlerë, llogaritë e kursimeve dhe madje edhe kreditë. Binance Group aktualisht është e vendosur në Ishujt Kajman, ndërsa Binance Markets Limited është një filial i saj me seli në Londër. Kompania ka pika në të gjithë botën dhe Binance Group e ka patur më parë selinë në Maltë.