Me kurora dhe lule në duar qytetarë të të gjitha moshave protestuan të enjten në Greqi duke përkujtuar 40 vjetorin e shtypjes me tank të studentëve gjatë manifestimeve të vitit 1973 Gjatq marshimit të përvitshëm drejt Ambasadës Amerikane pati edhe tensione mes protestuesve dhe policisë por që u vunë shpejt nën kontroll. Mijëra njerëz përkujtuan studentët e Politeknikut me karafila të kuq, kurora, vizatime fëmijësh. Protesta të ngjashme u zhvilluan edhe në Selanik, Kretë, Patër, Janinë dhe Larisa. Një sulm ndaj punonjësve të policisë së sigurisë ka ndodhur para nisjes së marshimit drejt Universitetit Politeknik nga një grup personash në Selanik .