Në Pogradec, një person i maskuar vendosi sende të dyshimta nën dy automjete të cilat jepeshin me qera. Fillimisht pronari i makinave, Eris Çekani dyshonte për instalim të lëndëve plasëse, por pas mbërritjes së forcave xheniero nga Tirana u konstatua se ishin instaluar GPS. Mbetet ende mister motivi i instalimit të dy pajisjeve GPS, megjithatë 39 vjeçari Eris Çekani në dëshminë e dhënë në polici saktëson pistën hetimore ku do të fokusohen efektivët e policisë. Sipas tij, ngjarja mund të lidhet me një konflikt të ndodhur në mars të këtij viti.