Top News-Gjykatë speciale për krimet e Rusisë/Ukraina kërkon një ‘model të ri’,krizë e paprecedentë!

Prokurorja e përgjithshme ukrainase, Iryna Venediktova, bëri thirrje për një "model të ri" të përpjekjeve për hetimin e krimeve të dyshuara të luftës në Ukrainë, duke thënë se duhet të krijohet një Gjykatë Speciale për krizën e "paprecedentë". Ajo tha se 39 vende i janë bashkuar ankesës së Ukrainës në Gjykatën Ndërkombëtare të Drejtësisë kundër Rusisë. Sulmi i Rusisë ndaj një termocentrali bërthamor, përdorimi i dyshuar i bombave thërrmuese dhe të ashtuquajturat bomba vakum në zona të dendura me banorë si dhe shënjestrimi i spitaleve, shkollave dhe zonave civile janë përshkruar gjithashtu si krime lufte. Javën e kaluar, Gjykata Ndërkombëtare Penale tha se do të niste menjëherë një hetim aktiv të krimeve të mundshme të luftës pas pushtimit rus të Ukrainës.