Gjermanëve u është kërkuar të përdorin më pak energji pasi Rusia reduktoi furnizimet me gaz përmes gazsjellësit Nord Stream, me 60 për qind, për shkak të problemeve teknike. Kompania shtetërore Gazprom, njoftoi pak ditë më parë se do të ndërpriste rrjedhën e gazit p-ërmes gazsjellësit nën ujor Nord Stream 1 për gjermaninë me 40 për qind e një ditë më pas njoftoi një tjetër reduktim që shkonte deri në 60 për qind. Në të dyja rastet, kompania citoi një problem teknik duke thënë se sanksionet kanadeze për shkak të luftës në Ukrainë, pengonin partnerin gjerman Siemens Energy të dërgonte pajisjet që nevojiteshin për vijimin normal të punës. Qeveria gjermane e hodhi poshtë arsyetimin duke thënë se mirëmbajtja nuk do të duhej të ishte problem deri në vjeshtë dhe se vendimi rus ishte një mjet presioni politik për të mbjellë pasiguri dhe për të rritur cmimet. Presidenti rus, Vladimir Putin, po bën atë që druhej që prej fillimit. Ai po redukton vëllimin e gazit – tha zëvendëskancelari gjerman Robert Habeck në një video të postuar nga ministria e tij në tëitter. Ai përmendi edhe lëvizjet e mëparshme të rusisë për të ndërprerë furnizimet për Bullgarinë, danimarkën dhe vende të tjera.