Ka ndërruar jetë në moshën 41-vjeçare në mënyrë krejt të dyshimtë miliarderi i Bitcoin, Mircea Popescu. I riu me origjinë rumune që raportohet se zotëronte numrin më të madh të kriptomonedhave, u gjet i mbytur në një plazh të Kosta Rikës, ndërkohë që rrethanat janë ende të paqarta. Lajmi për vdekjen e tij konfirmohet dhe nga disa vajza që e shoqëronin miliarderin në këtë vend ekzotik, pasi ai njihej edhe për varësinë e tij nga seksi. Popescu menaxhonte gjithashtu një blog, i cili promovonte një gjuhë raciste dhe seksiste. Tani për tani, situata mbetet e rrethuar nga misteri pasi ende mungon një konfirmim zyrtar i vdekjes së tij. Popescu, i njohur me nofkën “Babai i Bitcoin” ka një pasuri që mendohet që kap vlerën 2 miliardë dollarë e cila nuk dihet ku do të përfundojë pasi asetet në kriptomonedha mund të zhduken nëse pronari ndërron jetë, duke shkaktuar kështu një tronditje të mundshme të tregjeve. Monedhat Bitcoin që Popescu zotëronte me siguri do të shohin një ndryshim në vlerë, por nëse miliarderi nuk ka bërë lëvizjet e nevojshme që të tjerë të kenë të drejta në portofolin e tij virtual, kjo pasuri do të humbasë. Popescu ishte një nga personat e parë që mori kriptomonedhën dhe gjithashtu themeloi bursën e Bitcoin me MPEx në vitin 2012.