Një shpërthim ka ndodhur mëngjesin e të hënës në një fabrikë kimike në Illinois, duke shkaktuar një zjarr masiv dhe duke detyruar qindra njerëz të evakuohen. Sipas mediave lokale, të paktën një person u plagos nga zjarri i cili zgjati me shumë së një orë. Fqinjët thanë se ata dëgjuan disa “goditje” rreth kohës kur filloi zjarri, ndërsa shtëpitë dhe bizneset brenda një rrezeje prej 2 km nga vendi u evakuuan. “Një zjarrfikës i lënduar në vendngjarje u transportua në një spital aty pranë por gjendja e tij nuk u bë e ditur menjëherë nga autoritetet”, thanë burimet. Mësohet se fabrika “Rockton Chemtool” prodhon yndyrë, lubrifikantë dhe lëngje, duke përfshirë shumë lëndë të djegshme që mund të kenë shkaktuar zjarrin. Si rezultat, pronarët e fabrikës kimike bënë evakuimin e 70 punëtorëve që ishin në punë. Së paku deri më tani, autoritetet nuk kanë dhënë ndonjë vlerësim rreth shkakut të shpërthimit.