Raportet pretendojnë se forcat ajrore janë angazhuar në operacione të pazakonta në dhe përreth ujërave ku po mbahet samiti i G7-ës, cka ka ndezur shqetësime se dicka mund të ndodhë. Kjo ndodh ndërsa në Kornuell të britanisë janë mbledhur liderët botërorë të shtatë ekonomive më të mëdha. The sun ka raportuar një operacion sigurie që kushton më shumë se 42 milionë dollarë për të mbrojtur të pranishmit në event, që përfshin edhe përdorimin e luftanijes HMS Princi i Uellsit. Ndërsa sipas The Ëashington Examiner, forcat detare dhe ato ajrore janë angazhuar në operacione të ndara për të luftuar një kërcënim sigurie që mund të vijë nga rusët. Kjo përfshin aktivitet të shtuar të luftanijeve të marinës amerikane, forcave detare dhe ajrore britanike dhe nëndetëseve franceze, që nga fillimi i javës. Madje edhe një Poseidon p-8 i forcave ajrore mbretërore është dislokuar, shumë km larg nga baza e tij në skoci, duke kryer operacione kërkimi në lartësi të ulët. Dyshimet janë shtuar akoma më shumë kur luftanija HMS Norgumberland u pa të patrullonte po ashtu. Ajo është e pajisur me një sistem të avancuar sonar dhe ka aftësinë të pikasë nëndetëse në një distancë të largët. Aktualisht moska operon një numër nëndetësesh balistike e bërthamore që besohet se nuk janë në gjendje të anashkalojnë sektorët e patrullimit. Por, ka edhe luftanije ekstremisht të heshtura që mund të hyjnë pa u pikasur në atlantik. Dhe të gjithë këto kanë bërë që të shtohet frika se operacionet në kuadër të sigurisë së G7-ës, kanë në shënjestër luftanije ruse.