Policia italiane ka sekuestruar një sasi të madhe lëndë narkotike në zonën e Torinos. Policia e Torinos vuri në pranga një shtetase marokene, nën akuzën e trafikut të lëndëve narkotike. Guardia Di Finanza e Torinos njofton se efektivët kishin marrë informacioine se në komunë e Piossasco, një grua trafikonte lëndë narkotike dhe e shpërndante atë në disa zona. Gjatë një kontrolli të bërë në banesën e 30 vjeçares dhe në zonën përreth, policia gjeti dhe skuestroi 140 kilogramë lëndë narkotike e llojit hashash e ndarë në 1 385 pako të vogla. Marokenia është dërguar në komisartiatin e Torinos, ndërkohë që policia ka nisur hetimet lidhur me personat e tjerë që mund të jenë të përfshirë në këtë veprimtari kriminale. Sipas mediave italiane ajo do të qëndrojë në paraburgim derisa hetimet të përfundojnë plotësisht dhe të vendoset një masë sigurie për akuzën që rëndon mbi të.