Ushtarët heronj të ukrainës që u detyruan të dorëzoheshin pasi rezistuan në qytetin e rrethuar të Mariupolit për muaj të tërë, janë dërguar në rusi dhe kjo ka ndezur frikën për sigurinë e tyre. Më shumë se 1 mijë luftëtarë, pjesa më e madhe e të cilëve nga batalioni Azov, janë transferuar në territorin e federatës ruse për qëllime hetimi – raportoi media shtetërore ruse. Rusia e konsideron batalionin Azov si nazist dhe kriminelë lufte dhe ligjvënësit rusë kanë kërkuar që ata të dënohen me vdekje. Kievi thotë se ata janë të burgosur lufte dhe duhet të këmbehen me rusët e kapur.