Një makinë është përplasur me një turmë njerëzish në Berlin duke i marrë jetën të paktën një personi e duke plagosur të paktën 10 të tjerë. Mediat gjermane thonë se një grua humbi jetën pasi makina u përplas në qendër të berlinit. Incidenti ndodhi rreth orës 10.30 minuta dhe policia konfirmoi se një makinë u ngjit mbi trotuar në një qoshe të rrugës Rankestrasse dhe Tauentzienstrasse dhe goditi këmbësorët përpara se të kthehej sërish në rrugë dhe më pas të ngjitej sërish në trotuar për rreth 200 metra të tjera për tu përplasur me një dyqan.