Ushtarët rusë të kapur nga forcat ukrainase kanë thënë se ata do të jenë të vdekur nëse kthehen në shtëpi, ku do të shihen si dezertorë dhe të vriten. Trupat e kapura rob, që janë filmuar në shkelje të konventës së gjenevës, janë lutur të mos kthehen pas në rusi për shkak të frikës se do të pushkatohen nga vetë njerëzit e tyre. Duke folur në një konferencë për shtyp në Kiev, një ushtar rus tha se prindërit i kishin treguar se një funeral ishte përgatitur për të. Ushtari, i dislokuar me divizionin e dytë rus, tha: “Në rusi, ne konsiderohemi tashmë të vdekur. Unë pata mundësinë të bisedoj me prindërit e mi dhe ata më thanë se funerali për mua ishte gati. “Nëse ne kembëhemi, do të vritemi nga vetë njerëzit tanë”. Ukraina i ka përdorur ushtarët e kapur rob si pjesë e fushatës së saj për të dëmtuar moralin e ushtrisë ruse. Ajo ka dashur po ashtu ti tregojë rusëve se ushtria e tyre ka bombarduar qytetet rusisht folëse dhe ka vrarë civilë, që kur Vladimir Putin nisi pushtimin e tij. Kremlini vetë e ka ndaluar cilësimin e pushtimit si luftë dhe përdor frazën Operacion Special për të shpëtuar separatistët pro rusë në ukrainë, nga nazistët. Ai ka kërcënuar po ashtu se do të dënojë këdo që kritikon luftën me deri në 15 vite burg.