Një bos kolumbian I drogës është arrestuar pasi kërkohej në 200 vende të ndryshme. Brian Donaciano Olguin Berdugo, i njohur më mirë si 'Pitt', u arrestua në një kompleks apartamentesh në qytetin e Cali në departamentin kolumbian të Valle del Cauca, në jug-perëndim të kryeqytetit të Bogota. Pavarësisht se kishte mundur t’I shpëtonte disa herë policisë, e prej kohësh lëvizte në fshehtësi, një gabim I të dashurës së tij, bëri që të binte në prnga. Prej kohësh trafikanti shoqërohej me një modele të njohur, e cila rastësisht postoi një foto të tyre në rrjetet sociale. Kaq mjaftoi qëpolicia të konfirmonte se bëhej fjalë për të shumëkërkuarin e më pastë vihej në ndjekje. Ai u pikas dhe nga kamerat e sigurisë, ndërsa pas dy javësh ndjekje u bë dhe prangosja e tij. 39-vjeçari Berdugo thuhet se ka mbërritur në vend në shkurt për të ndërmjetësuar marrëveshjet e kokainës me Forcat e Armatosura Revolucionare të Kolumbisë dhe Ushtrisë Popullore në emër të kartelit të fuqishëm Sinaloa. Karteli në fjalë njihet gjithashtu si Aleanca e Gjakut dhe punon si një organ i madh ndërkombëtar i trafikut të drogës, pastrimit të parave dhe krimit të organizuar që vepron kryesisht në shtetet meksikane të Sinaloa, Baja California, Durango, Sonora dhe Chihuahua..