Top News – Ferr mbi tokë, bie ‘shi’ raketash / Ukraina lindore një lëmsh zjarri, dhjetëra viktima

Vladimir Putin ka ndërmarrë sulmin më vdekjeprurës me raketa në Ukrainë, prej thuajse një muaji, një ditë më parë, duke vrarë 20 persona dhe duke shkaktuar ndërprerje të energjisë elektrike në dhjetëra e mijëra shtëpi. zyrtarët thanë se më shumë se 20 raketa u lëshuan nga deti kaspik duke goditur impiante elektrike dhe stacione hekurudhore por pa kursyer edhe zona të banuara. Mes viktimave, ishte edhe një prift në vijën e frontit në rajonin e Luhanskut, në lindje të Ukrainës. Sulmet e pandalshme vijnë ndërsa rusia përgatitet të festojë Ditën e Fitores, më 9 maj, që shënon triumfin e bashkimit sovjetik mbi gjermaninë naziste. Druhet se Putin do ta shfrytëzojë eventin për të shpallur luftë të plotë në Ukrainë edhe pse zyrtarët e kremlinit e kanë hedhur poshtë këtë. Ushtria ruse tha një ditë më parë se kishte përdorur armë me precizion të lartë, përfshirë raketat cruise Kalibr, të lëshuara nga nëndetëset, për të goditur pesë stacione hekurudhore në ukrainë dhe shënjestra të tjera ndërsa artileria dhe avionët kishin marrë në shënjestër reparte ushtarake dhe depo armësh dhe karburanti. Vetëm sulmet në zonën e donbasit, ku u goditën depozita nafte, morën 21 jetë njerëzish sipas guvernatorit të rajonit lindor të Donjetskut.