Në luftën në Ukrainë Rusia po vë gjithnjë e më shumë në shënjestër objektet hekurudhore të vendit. Në fakt hekurudha është kthyer në një nga mjetet më të rëndësishme logjistike të Kievit dhe në një simbol të rezistencës. Trenat vazhdojnë të lëvizin në vend pavarësisht luftës, dhe kompania shtetërore ukrainase tha se vetëm 20 trena të distancave të largëta kanë patur vonesa këto ditë. Por, dy javët e fundit, rusia ka intensifikuar ndjeshëm sulmet mbi rrjetin hekurudhor në të gjithë vendin. Të mërkurën e shkuar, u dëmtua një urë hekurudhore mbi lumin Dnipro.