Në sistemin monetar të Shqipërisë duket se po rritet numri i kartmonedhave të falsifikuara. Banka e Shqipërisë, ka publikuar raportin për vitin 2020 sipas të cilit kartmonedhat e falsifikuara në sistem kanë pësur rritje, ndërkohë që monedhat metalike vijojnë të kenë po të njëjtën tendencë si vitet e kaluara. Teknikat e falsifikimit të parave në Shqipëri mbeten jo shumë të sofistikuara dhe përfshijnë riprodhimin nëpërmjet pajisjeve digjitale komerciale, teknika ink-jet e printimit me ngjyra si dhe metodat artizanale dhe teknologjike për imitimin e elementeve të sigurisë. Përqindjen më të lartë të kartmonedhave të falsifikuara e zenë prerjet 2000 lekë dhe 1000 lekë të ndjekura nga prerjet 5000 lekë dhe 500 lekë. Në fund të vitit 2020, rezultuan rreth 156 milion copë kartëmonedha në qarkullim me vlerë afërsisht 350 miliardë lekë. Pavarësisht numrit në rritje të kartmonedhave të falsifikuara, niveli i tyre në sitemin monetar nuk përbën risk të lartë, kjo pasi koeficenti i kartëmonedhave të falsifikuara për 1 milion copë kartëmonedha në qarkullim ngelet në vlera të ulët, sipas përllogaritjeve të Bankës së Shqipërisë.