Pasi e përflaku diskursin politik anembanë globit, Facebook së fundi është përpjekur t`i ulë pak temperaturat. Rrjeti social njoftoi përpara disa kohësh se ka nisur ta ndryshojë algoritmin e tij me qëllimin të reduktojë përmbajtjen politike tek neës feeds që i mbërrijnë përdoruesve. Mesazhe me përmbajtje më të vogël politike nisën të testohen tek një pjesë e përdoruesve të gjigandit të rrjeteve sociale në Kanada, Brazil dhe Indonezi, me qëllimin që të shtriheshin më pas në Shtetet e Bashkuara. objektivi eshte te shqyrtohen mënyra të ndryshme për të renditur përmbajtjen politike në njoftimet që i mbërrijnë njerëzve duke përdorur disa sinjale, e më pas, të vendosnim për qasjen që do të përdorej në vazhdim, shkruante një menazher i Facebookut, Astha Gupta në blogun e tij. Facebooku i kishte parashikuar ndryshimet përpara disa kohësh kur shefi ekzekutiv i tij, Mark Zuckerberg, pohoi se kompania po eksperimentonte me një sërë mënyrash për të minimizuar debatet politike përçarëse midis përdoruesve. "Një nga gjërat kryesore që po dëgjojmë e kuptojmë nga reagimet të cilat na mbërrijnë, edhe se njerëzit nuk duan politikë dhe përplasje në shërbimet tona," pat thënë ai. nisma nuk parashikoi që lajmet politike të zhdukeshin krejtësisht. Por përmbajtja nga agjencitë dhe shërbimet zyrtare qeveritare do të përjashtohet nga ndryshimi i algoritmit, tha Facebooku, ashtu si informacioni në lidhje me Covid-19 nga organizata si Qendrat për Kontrollin dhe Parandalimin e Sëmundjeve dhe Organizata Botërore e Shëndetësisë. Zuckerberg e pati bërë të qartë se përdoruesit do të kishin sërish mundësinë të diskutonin mbi politikën, por brenda grupeve private.