Një avion ushtarak belg është përplasur me një ndërtesë në qendrën ajrore holandeze në Leeuëarden duke plagosur dy persona. Incidenti ndodhi në fillim të misionit në të cilin F-16 po përgatitej të nisej në fluturim por avioni doli jashtë kontrollit dhe piloti u detyrua të katapultohej nga kabina. Avioni vijoi të përshkonte pistën në mënyrë të pakontrolluar para se të përplasej me një ndërtesë në bazën ajrore. Shkaku i këtij aksidenti është ende i paqartë dhe po hetohet. Avioni po merrte pjesë në një stërvitje ndërkombëtare në bazën ushtarake të leuardenit që përdoret nga forcat ajrore mbretërore të holandës. F-16 duhej të nisej nga baza ushtarake dhe të fluturonte për rreth 120 milje në jug deri në bazën tjetër Volkel. Nuk pati as zjarr dhe as shpërthim pas incidentit. Polici mundi të katapultohej para përplasjes por u dërgua në spital bashkë me një individ tjetër që ndodhej në godinën me të cilën u përplas avioni. Incidenti do të hetohet nga autoritetet. F-16 është një avion ushtarak i prodhuar nga general Dynamics dhe Lockheed martin në shba dhe është një nga më të përdorurit në botë. Fillimisht ai nisi të fluturonte në 1974 dhe versione të rifreskuara janë ende në përdorim nga forcat ajrore në glob. Ai është në gjendje të arrijë shpejtësinë e afro 2500 km në orë kur fluturon në lartësi dhe është i famshëm për besueshmërinë dhe rezistencën e tij.