Me Finlandën dhe Suedinë që po ndërmarrin hapa për t’iu bashkuar NATO-s, ndërsa pushtimi rus i Ukrainës vazhdon, lista e shteteve neutrale në Evropë duket se po tkurret. Sikurse këto dy shtete nordike, shtete të tjera iu bashkuan Bashkimit Evropian për premtimin për unitet ekonomik dhe politik, pa pasur nevojë të mbahej anë në ndarjen Lindje Perëndim që ka zgjatur përtej përfundimit të Luftës së Ftohtë. Por, shqetësimet e sigurisë mbi pushtimin rus të Ukrainës kanë ndryshuar llogaritë për Finlandën dhe Suedinë, që për një kohë të gjatë kanë mbështetur mospërfshirjen ushtarake dhe kanë bërë që edhe shtetet e tjera, që tradicionalisht janë neutrale të rimendojnë se çfarë nënkupton ky term për ta. Shtetet e BE-së janë të përkushtuara që ta mbrojnë njëra-tjetrën në rast të një sulmi të jashtëm, një zotim që gjerësisht ka mbetur vetëm në letër, pasi fuqia e NATO-s lë në hije zotimet e bllokut për mbrojtje kolektive. Por kush janë shtetet e mbetura neutrale që e kanë përfshirë neutralitetin në ligjet e tyre ose e konsiderojnë veten neutrale në përballjen mes SHBA dhe Rusisë...?