Një avion i United Airlines, që do të ulej në aeroportin Charles de Gaulle, me 73 persona në bord, ka evituar për pak përplasjen ballore me një airbus të EasyJet, pas një lapsusi të një kontrollori të trafikut ajror. Avioni i easyJet po përgatitej të ngrihej në fluturim në pistën e aeroportit në Paris para se pilotët të shohnin Boeingun 787 të United që po i drejtohej atyre në një lartësi prej më pak se 100 metrash nga toka. Ajo që mund të ishte shndërruar në një katastrofë ndodhi pasi kontrollori i kullës gabimisht i tha fluturimit të united, nga Neëarku i Nju Xhersit, se mund të ulej në pistën 09 djathtas. Avioni i United ishte duke u afruar në postën 09 majtas dhe pilotët thanë se atyre u ishte kërkuar që të zhvendoseshin në të djathtë. Atë ditë, uljet kryheshin në postën 09 majtas ndërsa ngritjet nga pista 09 djathtas. Por pak para uljes së avionit të United, një boeing 787 i Air France, kishte kërkuar të ulej në pistën 09 djathtas, më e gjata nga të dyja, për shkak të një problemi teknik, duke shtuar konfuzionin e kontrollorit. Piloti kërkoi konfirmim, por përdori fjalën jo standarte, Kuptova, në vend të Konfirmoj, në anglisht, që nuk është kuptuar drejtë nga kontrollori francez. Kontrollori nuk kishte reaguar dhe ndërkohë kishte autorizuar airbusin A 320 të easyJet të nisej nga e njëjta pistë. Vetëm kur avioni easyJet ishte në pistë dhe nisi të lëvizte, pilotët panë rrezikun.