Komisioni Evropian ka nënshkruar të hënën një marrëveshje me Azerbajxhanin për të dyfishuar importet e gazit natyror në të paktën 20 miliardë metra kub në vit, deri në vitin 2027-të. Në një vizitë në Baku, presidentja e Komisionit Evropian Ursula von der Leyen nënshkroi me Presidentin e Azerbajxhanit Ilham Aliyev një memorandum mbi “një partneritet strategjik në fushën e energjisë”. BE-ja po kërkon furnizues alternativë për shkak të pushtimit të Ukrainës dhe kjo marrëveshje e bën Shqipërinë pjesë të rëndësishme të rrugës për furnizimin me gaz. Rruga e gazit nga Azerbajxhani në Evropë kalon në tre drejtime: Gazsjellësi i Kaukazit Jugor, Gazsjellësi Trans-Atolian dhe Gazsjellësi Trans-Adriatik, i cili kalon nga Shqipëria. Burimi kryesor i furnizimit do të ishte fusha e gazit Shah Deniz, e vendosur në Detin Kaspik. TAP e merr gazin fillon pikërisht nga fushë duke e bërë rrugën kryesore te furnizimit të gazit. Azerbajxhani tashmë po rrit dërgesat e gazit natyror në BE nga 8.1 miliardë metra kub në 2021-in në 12 miliardë metra kub në 2022-in. Presidenti I Azerbaixhanit Aliyev tha pas marrëveshjes me BE, duke thënë se bashkëpunimi energjetik BE-Azerbajxhan ka “ndryshuar tashmë hartën energjetike të Evropës”. Pamjet: AFP