Dhjetëra qyteza në sicili përballen me falimentimin për shkak të kostos së pastrimit të hirit vullkanik të shkaktuar nga mali Etna, që vazhdon të shpërthejë rregullisht që nga shkurti. Qeveria italiane i akordoi 5 milionë euro disa fshatrave në zonë që nuk munden të paguajnë më për largimin e hirit vullkanik, pasi kostoja e këtij operacioni mund të shkojë në mbi 1 milionë euro pas cdo shpërthimi. “Situata është shumë serioze”, thotë Alfio Previtera, një zyrtar lokal në qytezën Giarre, një nga më të prekurat nga hiri i Etna-s. “Rrugët, sheshet, catitë, ballkonet, makinat dhe gjithcka tjetër janë mbuluar në hi. Që nga marsi, rreth 25 mijë tonë hi kanë rënë mbi qytezën tonë. Njerëzit po përdorin cadrat për tu mbrojtur nga hiri”. Sipas ligjit italian, hiri konsiderohet një mbeturinë speciale, me kosto të shtuar të depozitimit të tij në rreth 20 euro për metër kub. Me cdo shpërthim ndërkohë, Etna nxjerr dhjetëra e mijëra, e madhe deri në 200 mijë metra kub hi dhe ky është një problem shumë serioz për autoritetet lokale. Për të përballuar këtë emergjencë, disa qyteza kanë mbledhur një sasi të madhe borxhi dhe tani përballen me kolapsin financiar. Pamjet: AFP