Përballë hyrjes në ambasadën ruse në Uashington, është shfaqur një tabelë në të cilën shkruhet: Rruga President Zelensky. Tabela rrugore është vendosur atje nga persona të panjohur dhe është dekoruar me ngjyrat verdhë e blu, ngjyrat kombëtare këto të ukrainës, si edhe me disa luledjelli prej letre, lulja simbol e Ukrainës. Duke shprehur mbështetjen për Kievin edhe banorët e shtëpive përballë selisë diplomatike ruse, kanë ndezur në dritaret e tyre drita të verdha dhe blu ose kanë vendosur atje tullumbacve me të njëjtat ngjyra. Madje edhe vetë stacioni i autobusit përballë ambasadës ruse është lyer me ngjyrat e kievit.