Pesë vjet më parë, Perëndimi rrezikoi një krizë të plotë diplomatike me aleatin e NATO-s, Turqinë, kur 10 ambasadorë kërkuan lirimin e një personi që e shihnin si të burgosur politik, duke bërë që Presidenti Recep Tayyip Erdogan, i zemëruar, të urdhëronte dëbimin. Pas dy ditësh frenetike në 2021, palët u tërhoqën nga buza e greminës, me të dërguarit e SHBA-së, Francës, Gjermanisë, Kanadasë dhe të tjerë që lëshuan deklarata pajtuese dhe me Erdoganin që tha se do të ishte më i kujdesshëm në të të ardhmen. Që atëherë, vecanërisht pas pushtimit të Ukrainës nga Rusia që e la evropën të ekspozuar, Perëndimi ka shmangur ngritjen e shqetësimeve në lidhje me rekordin e Turqisë për të drejtat dhe liritë e njeriut, duke u përqendruar në forcimin e lidhjeve të sigurisë me fuqinë ushtarake rajonale dhe eksportuesin e madh të armëve. Kthesa diplomatike e Perëndimit do të jetë e dukshme kur udhëheqësit e 32 shteteve anëtare të NATO-s të takohen në Ankara më 7 dhe 8 korrik. Ata nuk pritet të kritikojnë një goditje të paprecedentë ndaj Partisë Republikane Popullore të opozitës në Turqi, përfshirë burgosjen e kandidatit të saj presidencial, kryetarit të bashkisë së Stambollit Ekrem Imamoglu, rivalit kryesor të Erdoganit, sipas diplomatëve perëndimorë dhe turq të përfshirë në planifikimin e samitit. Disa kritikë të qeverisë së Erdoganit besojnë se heshtja e Perëndimit inkurajon rrëshqitjen e turqisë në autoritarizëm, izolon opozitën dhe injoron parimet themelore të NATO-s për demokracinë dhe sundimin e ligjit. E ndërkohë, në prag të samitit, në turqi janë ndaluar tubimet publike dhejanë refuzuar akreditimet e dhjetëra gazetarëve turq dhe mediave të pavarura për të ndjekur eventin. Qeveria e Erdogan thotë se i ka marrë këto masa për shkak të garantimit të sigurisë gjatë samitit. Ky i fundit shënon edhe vizitën e parë të Trumpit në turqi si president amerikan. Ai pritet të ketë një takim dypalësh me Erdogan, të cilin ai e quan rregullisht një mik, duke nxjerrë në pah marrëdhëniet më të ngrohta mes SHBA-së dhe Turqisë ndër vite.