Presidenti turk Recep Tayyip Erdogan ka njoftuar bisedime me presidentin ukrainas Volodimir Zelenski dhe presidentin rus, Vladimir Putin për të diskutuar hapat për clirimin e eksporteve të grurit ukrainas. “Ministrat kanë zhvilluar bisedime. Ne do të jemi në procesin e transportit të mallrave drejt Turqisë por edhe drejt vendeve të treta për ti dhënë këtij biznesi një dimension tjetër. Bisedimet po vazhdojnë ndërkohë që unë do të takohem me Putinin dhe Zelenskin për të diskutuar se cfarë hapash do të marrim”, tha Erdogan. Sipas tij, tani bota është në një ngërc ekonomik dhe mos furnizimi me produkte bujqësore është një problem serioz.