Polestar, një kompani prodhimi automobilësh në pronësinë e Vovlo-s, po planifikon të ndërtojë makina neutrale ndaj ambjentit në vitin 2030. Edhe pse më parë dukej e pamundur, kompania e ka gjetur rrugën e artë për të mos e bërë mjedisin të vuajë. I quajtur "Projekti Polestar 0", qëllimi i markës është të rimendojë procesin e prodhimit për të ardhmen, të hetojë një sistem për të balancuar emetimet e karbonit dhe të shesë makina pa gjurmë karboni. Edhe pse Polestar aktualisht shet makina elektrike, kjo nuk e ka penguar atë të mendojë në mënyrë kritike për të ndërtuar makina të tilla. Vendosja e afatit kohor deri më 2030 rrit presionin dhe bën akoma më të vështirë planin ambicioz që i vjen në ndihmë të gjithë ambientalistëve apo edhe blerësve potencialë të cilët kujdesen në detaje për menyrën se si është e ndërtuar mjeti i tyre. Polestar do të postojë në internet gjurmët e karbonit të një makine si edhe ato të materialeve të rrezikshme të gjurmuara në mënyrë që konsumatorët të mund të shohin dhe të vlerësojnë projektin e një makine Polestar.