Vendimi i Rusisë për të pushtuar Ukrainën, përvec se nuk është pranuar nga shumë shtete, por është kundërshtuar edhe nga një numër I madh qytetarësh rusë, të cilët herë pas here janë ngritur në protesa dhe me pankarta në duar kanë bërë thirrje që të ndalohen sulmet në Ukrainë. Që prej fillimit të konfiktit mes dy vendeve, protesta të shumta pushtuar Rusinë, ku qytetarët kundërshtonin pushtimin e paprovokuar të Ukrainës nga presidenti rus, Vladimir Putin. Nga të dhënat e mbledhura nga një grup personash, të cilët kanë monituruar protestën dhe shoqërimet nga policia, thuhet se të paktën 658 persona janë arrestuiar nga policia deri në orën 17:00 sipas kohës lokale të Moskës. Të paktën, 289 prej tyre janë arrestuar në Moskë, tha kjo organizatë e pavarur. Në Shën Petersburg, po ashtu është raportuar për arrestime. Javën e kaluar, policia arrestoi mbi 5,000 protestues në mbarë Rusinë. Protestuesit në Rusi rrezikojnë të gjobiten ose të dënohen në burg për shkak të shprehjes së pakënaqësive të tyre në rrugë. Që prej se Rusia ka nisur pushtimin e Ukrainës më 24 shkurt, mbi 14,200 persona janë arrestuar pasi kanë marrë pjesë në protestat kundër luftës.